新型コロナウイルス感染症対策新型コロナウイルス感染症対策

ကိုရိုနာဗိုင်းရပ်စ် အမျိုးအစားသစ် ကူးစက်ရောဂါ အရေးပေါ်အခြေအနေ ကြေညာချက်

ကိုရိုနာဗိုင်းရပ်စ် အမျိုးအစားသစ် ကူးစက်ရောဂါ ပျံ့နှံ့မှုတားဆီးရေးအတွက် အရေးပေါ်အခြေအနေ ကြေညာချက်ကို ထုတ်ပြန်ခဲ့ပါတယ်။
ပြည်သူများအနေဖြင့် ကူးစက်မှု မြင့်တက်လာခြင်းကို တားဆီးရေးအတွက် ပူးပေါင်းကူညီကြပါရန် မေတ္တာရပ်ခံအပ်ပါသည်။

အရေးပေါ်အခြေအနေ စီမံချက် လုပ်ဆောင်မည့် ကာလ

၂၀၂၁ခုနှစ် ဇန်နဝါရီလ ၈ရက်နေ့မှ ဖေဖော်ဝါရီလ ၇ရက်နေ့

အရေးပေါ်အခြေအနေ စီမံချက် လုပ်ဆောင်မည့် နေရာဒေသ

စိုင်းတာမ ခရိုင်၊ ချိဘ ခရိုင်၊ တိုကျိုမြို့၊ ခါနာ့ဂါဝ ခရိုင်

အရေးပေါ်အခြေအနေ စီမံချက် လုပ်ဆောင်မည့် ကာလ

၂၀၂၁ခုနှစ် ဇန်နဝါရီလ ၁၄ရက်နေ့မှ ဖေဖော်ဝါရီလ ၇ရက်နေ့

အရေးပေါ်အခြေအနေ စီမံချက် လုပ်ဆောင်မည့် နေရာဒေသ

တို့ချိဂီ ခရိုင်၊ ဂီဖု ခရိုင်၊ အိုင်းချိ ခရိုင်၊ ကျိုတိုမြို့၊ အိုစာကာမြို့၊ ဟယောဂို ခရိုင်၊ ဖူကုအိုက ခရိုင်

ပြည်သူများသို့ အသိပေးလိုသော အချက်များ

  • 〇 အောက်ဖော်ပြပါ မြို့နှင့် ခရိုင် ၁၁ခု (အကျုံးဝင်သည့် မြို့နှင့်ခရိုင်များ) တွင် အရေးပေါ်အခြေအနေ ကြေညာချက် ထုတ်ပြန်ခဲ့ပါသည်။
    ၈/၁/၂၀၂၁ မှ ၇/၂/၂၀၂၁ (၃၁ရက်တာ) ။ ။ စိုင်းတာမ ခရိုင်၊ ချိဘ ခရိုင်၊ တိုကျိုမြို့၊ ခါနာ့ဂါဝ ခရိုင်
    ၁၄/၁/၂၀၂၁ မှ ၇/၂/၂၀၂၁ (၂၅ရက်တာ) ။ ။ တို့ချိဂီ ခရိုင်၊ ဂီဖု ခရိုင်၊ အိုင်းချိ ခရိုင်၊ ကျိုတိုမြို့၊ အိုစာကာမြို့၊ ဟယောဂို ခရိုင်၊ ဖူကုအိုက ခရိုင်
  • 〇 အကျုံးဝင်သည့် မြို့နှင့် ခရိုင်များတွင် ဗိုင်းရပ်စ်ကူးစက်မှုအသစ် အစီရင်ခံချက်များ ယခင်ကထက် ကျော်လွန်ပြီး အများဆုံးစံချိန်တင်မှုများ ဆက်လက်ဖြစ်ပွားနေကာ ကျန်းမာရေးစောင့်ရှောက်မှုစနစ်တွင် အကျပ်အတည်းများနှင့် ကြုံနေရပါသည်။ ထိုကဲ့သို့သော အနေအထားကို ရပ်တန့်စေပြီး ကူးစက်မှု ကျဆင်းလာစေရေး ရည်ရွယ်ခြင်း ဖြစ်ပါသည်။
  • 〇 ယခုအချိန်အထိ ကူးစက်မှုတိုးသည့် ကာလဆိုင်ရာ အတွေ့အကြုံများ၊ ပြည်တွင်းပြည်ပမှ သုတေသန အမျိုးမျိုးစသည်တို့၏ တွေ့ရှိချက်များ (ဥပမာ-ကူးစက်မှုလမ်းကြောင်း သုံးသပ်လေ့လာချက်) ကို အခြေခံကာ ပိုမို၍ ထိရောက်သော၊ အာရုံစူးစိုက်ထားသော ကူးစက်မှုတားဆီးရေး စီမံချက်များကိုချမှတ်ပါမည်။

အရေးပေါ်အခြေအနေကြေညာချက်တွင် မေတ္တာရပ်ခံမည့် စီမံချက်ဆိုင်ရာ အတွေးအခေါ်

  • 〇 ယခုတစ်ကြိမ် အရေးပေါ်အခြေအနေ ကြေညာချက်သည် လူမှုရေး စီးပွားရေးလှုပ်ရှားမှုများကို ကျယ်ကျယ်ပြန့်ပြန့် မရပ်ဆိုင်းစေဘဲ၊ ကူးစက်မှုအန္တရာယ်မြင့်မားသည့် အနေအထားများကို ကောက်နုတ်ကာ ထိရောက်သော၊ အလေးပေးထားသော စီမံချက်များကို စေ့စပ်စွာ လုပ်ဆောင်မည် ဖြစ်ပါသည်။
  • 〇 လက်တွေ့အားဖြင့် စားသောက်မှုနှင့် တွဲဖက်နေသည့်အရာများကို အဓိကထား၍ စီမံချက် ချမှတ်ပါမည်။ ထိုအတွက်ကြောင့် စားသောက်မှုနှင့် ဆက်စပ်နေသည့် လူများ၏ လှုပ်ရှားမှုကို ကန့်သတ်ခြင်း၊ စားသောက်ဆိုင်များအား ဆိုင်ဖွင့်ချိန် လျှော့ချရန် တောင်းဆိုခြင်း၊ အိမ်ပြင်ထွက်ခြင်းကို သည်းခံရန် တောင်းဆိုခြင်း၊ နေအိမ်မှ အလုပ်လုပ်ခြင်း ကို အားပေးလှုံ့ဆော်ခြင်းများကို လုပ်ဆောင်ပါမည်။

အရေးပေါ်အခြအနေ ကြေညာချက် ကာလအတွင်း အောက်ပါ လုပ်ဆောင်ချက်များကို တောင်းဆိုနေပါသည်။

(၁) အပြင်ထွက်ခြင်း သွားလာခြင်း
  • 〇 ဒေသနေ ပြည်သူများအနေဖြင့် ကူးစက်မှု တိုးလာနေခြင်း တားဆီးရေးအတွက် မလိုအပ်သော၊ အရေးပေါ်မဟုတ်သော အပြင်ထွက်ခြင်းနှင့် သွားလာခြင်းများကို စောင့်ထိန်းသည်းခံကြရန် တောင်းဆိုပါသည်။
  • 〇 စားသောက်မှုကြောင့် ကူးစက်ခြင်း အန္တရာယ် မြင့်မားသည့် အနေအထားများကို ရှောင်ရှားနိုင်ရန် စီမံချက် အသီးသီးကို လုပ်ဆောင်ပါမည်။ ထို စီမံချက်များ၏ ထိရောက်မှုကို မြှင့်တင်နိုင်ရန် နေ့အချိန်အပါအဝင် အပြင်ထွက်ခြင်းကို စောင့်ထိန်းသည်းခံခြင်း သေချာစွာ လုပ်ဆောင်ကြရန် တောင်းဆိုပါသည်။
  • 〇 အလုပ်သွားခြင်း၊ ဆေးရုံသွားခြင်း၊ လမ်းလျှောက်ခြင်း စသည့် လူနေမှုနှင့် ကျန်းမာရေးထိန်းသိမ်း စောင့်ရှောက်မှုများအတွက် လိုအပ်သည့် အပြင်ထွက်ခြင်း၊ သွားလာခြင်းများ အကျုံးမဝင်ပါ။
(၂) ပွဲလမ်းစသည်များ ကျင်းပခြင်း
  • 〇 အရေအတွက်ကန့်သတ်မှုမရှိသော လူအများစုဝေးသည့် ပွဲလမ်းများသည် လူအချင်းချင်း ထိတွေ့နိုင်သည့် အခွင့်အလမ်းများခြင်း၊ အစားအသောက်များနှင့် ဆက်စပ်မှုများခြင်း စသည့်တို့ကြောင့် အထူးစီမံချက်များ လိုအပ်ပါသည်။ ပွဲစီစဉ်သူများအနေဖြင့် ပမာဏစသည့် သတ်မှတ်ချက်များနှင့် အညီ ကျင်းပကြရန် တောင်းဆိုပါသည်။
  • 〇 အများဆုံး လူအရေအတွက် ကန့်သတ်ခြင်း၊ ဝင်ဆန့်သည့်ပမာဏနှင့် အစားအသောက် ကန့်သတ်ခ စသည်များသည် လိုအပ်ချက်များပါသည်။
(၃) အဆောက်အအုံ အသုံးပြုခြင်း
  • 〇 ကျွမ်းကျင်ပညာရှင်များ၏ သုံးသပ်လေ့လာမှု ရလဒ်အရ စားသောက်ချိန်တွင် နှာခေါင်းစည်းကို ဖြုတ်ခြင်းစသည်များကြောင့် ကူးစက်နိုင်သည့်အန္တရာယ် မြင့်မားပြီး ကူးစက်မှုတိုးလာခြင်း၏ အဓိက စတင်ရာနေရာဟု ဆိုကြပါသည်။ ကူးစက်မှုလမ်းကြောင်း မသိနိုင်သည့် ကိစ္စရပ်များတွင်လည်း အများစုမှာ စားသောက်မှုဆိုင်ရာ လမ်းကြောင်းဖြစ်သည်ဟု ကျွမ်းကျင်သူများ၏ အမြင်များလည်း ရှိပါသည်။
  • 〇 စားသောက်ဆိုင်နှင့် ကာရာအိုကေ အခန်းစသည်များအား ဆိုင်ဖွင့်ချိန် လျှော့ချရန် (ဆိုင်ဖွင့်လှစ်ခြင်းကို ည ၈နာရီအထိ၊ အရက်သေစာ ရောင်းချခြင်းကို မနက် ၁၁နာရီမှ ည ၇နာရီအထိ) တောင်းဆိုပါသည်။
  • 〇 စိုးရသည် အကျုံးဝင်သည့် မြို့နှင့် ခရိုင်များက အချိန်လျှော့ချခြင်းတောင်းဆိုမှုကို လုပ်ဆောင်သည့်အခါ ပေးချေမည့် "ပူးပေါင်းဆောင်ရွက်မှုထောက်ပံ့ငွေ" နှင့်ပတ်သက်၍ ထောက်ပံ့ပါမည် (တစ်လလျှင် ရက် ၃၀ ဖြင့်တွက်ချက်၍ ယန်း ၁၂သိန်း မှ ယန်း ၁၈သိန်းသို့ တိုးမြှင့်)။
  • 〇 ထို့အပြင် အားကစားကွင်းနှင့် ပမာဏကြီးမားသောဆိုင် စသည်များအတွက်လည်း စားသောက်ဆိုင်နှင့် အလားတူ တောင်းဆိုမှု (ဖွင့်ချိန်ကို ည ၈နာရီအထိ၊ အရက်သေစာ ရောင်းချခြင်းကို မနက် ၁၁နာရီမှ ည ၇နာရီအထိ) လုပ်ဆောင်မည်ဖြစ်သည်။ ထို့အပြင် အပန်းဖြေ ကစားကွင်း၊ ဇာတ်ရုံနှင့် ရုပ်ရှင်ရုံ စသည်များအားလည်း အများဆုံးလူဦးရေ ကန့်သတ်ချက်နှင့် ဝင်ဆန့်သည့် ပမာဏ သတ်မှတ်ချက်များကို ထိန်းသိမ်းလိုက်နာရန် တိုက်တွန်းမှု လုပ်ဆောင်မည်ဖြစ်သည်။

ကိုရိုနာဗိုင်းရပ်စ်ကူးစက်ရောဂါ ထိန်းချုပ်ရေး လက်ကမ်းစာစောင်များ

* ဤလက်ကမ်းစာစောင်များကို ကုမ္ပဏီ၊ ကျောင်း (သို့မဟုတ်)လူစုလူဝေးရှိသည့်နေရာများတွင် ထားရှိခြင်း၊ ဖြန့်ဝေခြင်းစသည့် မည်သည့်ရည်ရွယ်ချက်အတွက်မဆိုဒေါင်းလုပ်ဆွဲ၍ပုံနှိပ်ထုတ်ဝေနိုင်ပါသည်။
(အချက်အလက်များအား ပြင်ဆင်ပြုပြင်ခွင့်မပြုပါ။)

「 ပိတ် 」「 စု 」「 ကပ် 」ကိုရှောင်ရှားစို့။

ကူးစက်ရောဂါထိန်းချုပ်ရေး အားလုံးပါဝင်ဆောင်ရွက်ပေး။

ကူးစက်ရောဂါထိန်းချုပ်ရေး အားလုံးပါဝင်ဆောင်ရွက်ပေး။

ကိုရိုနာဗိုင်းရပ်စ်သည်အောက်ပါနည်းလမ်းများမှတဆင့်ကူးစက်ပျံ့နှံ့သည်။

ရောဂါကူးစက်မှုအန္တရာယ်တိုးပွားလာခြင်း「ဖြစ်ပွားမှုပုံစံ(၅)မျိုး」

ရောဂါကူးစက်မှုအန္တရာယ်တိုးပွားလာခြင်း「ဖြစ်ပွားမှုပုံစံ(၅)မျိုး」 PDF