ការចម្លងជំងឺកូវីដ 19 ស្ថានភាពអាសន្ន
រយៈពេលនៃការដាក់ប្រទេសក្នុងភាពអាសន្
ចាប់ពីថ្ងៃទី23 ខែឧសភា ឆ្នាំ2021 ដល់ថ្ងៃទី31 ខែសីហា ឆ្នាំ2021
តំបន់ប្រកាសអាសន្ន
ខេត្តអូគីណាវ៉ា
រយៈពេលនៃការដាក់ប្រទេសក្នុងភាពអាសន្
ចាប់ពីថ្ងៃទី12 ខែកក្កដា ឆ្នាំ2021 ដល់ថ្ងៃទី31 ខែសីហា ឆ្នាំ2021
តំបន់ប្រកាសអាសន្ន
ក្រុងតូក្យូ
រយៈពេលនៃការដាក់ប្រទេសក្នុងភាពអាសន្
ចាប់ពីថ្ងៃទី2 ខែសីហា ឆ្នាំ2021 ដល់ថ្ងៃទី31 ខែសីហា ឆ្នាំ2021
តំបន់ប្រកាសអាសន្ន
ខេត្តសៃតាម៉ា ខេត្តជីបា ខេត្តកាណាហ្គាវ៉ា ទីក្រុងអូសាកា
វិធានការអាទិភាពដូចជាការការពារការរាលដាល
រយៈពេលអនុវត្តវិធានការអាទិភាពដូចជាការបង្ការការរីករាលដាល
ចាប់ពីថ្ងៃទី2 ខែសីហា ឆ្នាំ2021 ដល់ថ្ងៃទី31 ខែសីហា ឆ្នាំ2021
តំបន់បានអនុវត្តវិធានការអាទិភាពដូចជាការបង្ការការរីករាលដាល
ក្រុងហុកកៃដូ ខេត្តអ៊ីស៊ីកាវ៉ា ក្រុងក្យូតូ ខេត្តហ្យ៉ូហ្កុ ខេត្តហ្វុគុអូកា
យើងចង់ស្នើសុំឱ្យប្រជាជនទាំងអស់ចូលរួមកិច្ចសហប្រតិបត្តិការក្នុងការការពារការរីករាលដាលនៃការចម្លង។
■ សំណូមពរទៅកាន់ប្រជាជននៅក្នុងតំបន់ប្រកាសអាសន្ន
- បន្ថែមពីលើវិធានការបង្ការការឆ្លងមូលដ្ឋាន សូមអនុវត្តវិធានការខាងក្រោម។
- សូមចូលរួមសហការដោយចៀសវាងការចេញទៅខាងក្រៅ និងការធ្វើដំណើរដែលមិនចាំបាច់ និងមិនបន្ទាន់នានា រួមទាំងពេលថ្ងៃផងដែរ។ ជាពិសេសសូមអនុវត្តឱ្យបានខ្ជាប់ខ្ជួនដោយ
ចៀសវាងការចេញទៅខាងក្រៅដោយមិនចាំបាច់ និងមិនបន្ទាន់ក្រោយម៉ោង 8 យប់
ចៀសវាងកន្លែង និងពេលវេលាដែលមានមនុស្សច្រើន
ចៀសវាងដាច់ខាតការចូលក្នុងភោជនីយដ្ឋាន។ល។ដែលមិនបានអនុវត្តវិធានការទប់ស្កាត់ការឆ្លងហ្មត់ចត់។ - ក្នុងគោលបំណងដើម្បីទប់ស្កាត់ការឆ្លងរាលដាលទៅតំបន់ផ្សេងៗ សូមមេត្តាកុំធ្វើដំណើរឆ្លងខេត្តដូចជាការទៅស្រុកកំណើត ឬការធ្វើដំណើរកម្សាន្តដែលមិនចាំបាច់ និងមិនបន្ទាន់តាមដែលអាចធ្វើទៅបាន។ ប្រសិនបើការធ្វើដំណើរនេះមិនអាចខកខានបាន សូមអនុវត្តវិធានការបង្ការការឆ្លងឱ្យបានហ្មត់ចត់ ព្រមទាំងទៅធ្វើតេស្តមុនពេលចេញដំណើរ ឬនៅពេលទៅដល់គោលដៅ។
* សំណើសុំមិនឱ្យចេញក្រៅនេះ មិនអនុវត្តចំពោះសកម្មភាពដែលចាំបាច់សម្រាប់ជីវិត និងសុខភាព ដូចជាការទៅមន្ទីរពេទ្យ ការទិញម្ហូបអាហារ/ថ្នាំពេទ្យ/សម្ភារៈប្រើប្រាស់ចាំបាច់ប្រចាំថ្ងៃ ការទៅធ្វើការនៅកន្លែងចាំបាច់ និងការធ្វើលំហាត់ប្រាណ ឬដើរនៅខាងក្រៅនោះទេ។ - សូមកុំពិសាគ្រឿងស្រវឹងជាក្រុមនៅតាមដងផ្លូវ ឬតាមសួនច្បារជាដើម។
■ សំណូមពរទៅកាន់ប្រជាជននៅក្នុងតំបន់វិធានការអាទិភាពដូចជាការទប់ស្កាត់ការឆ្លងរាលដាល
- បន្ថែមពីលើវិធានការបង្ការការឆ្លងមូលដ្ឋាន សូមអនុវត្តវិធានការខាងក្រោម។
- ចំពោះប្រជាជន សូមកុំចេញចូលភោជនីយដ្ឋានដោយមិនចាំបាច់ក្នុងអំឡុងម៉ោងនៃការស្នើសុំឱ្យកាត់បន្ថយម៉ោងបើកដំណើរការ។ ម្យ៉ាងទៀត សូមចៀសវាងការចេញទៅខាងក្រៅ និងការធ្វើដំណើរដែលមិនចាំបាច់ និងមិនបន្ទាន់រួមទាំងពេលថ្ងៃផងដែរ និងចៀសវាងកន្លែង និងពេលវេលាដែលមានមនុស្សច្រើន ចៀសវាងការចូលភោជនីយដ្ឋានដែលមិនអនុវត្តវិធានការទប់ស្កាត់ការឆ្លងរាលដាលបានហ្មត់ចត់ ឬភោជនីយដ្ឋានដែលមិនបានឆ្លើយតបនឹងសំណើកាត់បន្ថយម៉ោងបើកដំណើរការ។ លើសពីនេះទៅទៀត សូមចៀសវាងដាច់ខាតនូវការធ្វើដំណើររឆ្លងខេត្តដែលមិនចាំបាច់ និងមិនបន្ទាន់ ជាពិសេសការធ្វើដំណើរចេញចូលតំបន់ប្រកាសអាសន្ន។
- សូមកុំពិសាគ្រឿងស្រវឹងជាក្រុមនៅតាមដងផ្លូវ ឬតាមសួនច្បារជាដើម។
■ សំណូមពរទៅកាន់ប្រជាជននៅក្នុងតំបន់ផ្សេងទៀត
- សូមចៀសវាងស្ថានភាពដែលបង្កើនហានិភ័យនៃការឆ្លងរាលដាលដូចជា «3 "ជ"» និង «"ស្ថានភាពចំនួន 5" ដែលបង្កើនហានិភ័យនៃការឆ្លង»។
- សូមអនុវត្តឱ្យបានហ្មត់ចត់នូវវិធានការទប់ស្កាត់ការឆ្លងរាលដាលមូលដ្ឋានដូចជា «ការរក្សាគម្លាតរវាងមនុស្ស» «ពាក់ម៉ាស់» និង«ការរក្សាអនាម័យដៃដូចជាការលាងដៃជាដើម»។
- សូមធ្វើសកម្មភាពស្របតាម «របៀបរស់នៅថ្មី» ដើម្បីទប់ស្កាត់ការឆ្លងរាលដាល។
- នៅពេលធ្វើដំណើរឆ្លងកាត់ខេត្តដូចជាការទៅស្រុកកំណើត ឬការធ្វើដំណើរកម្សាន្ត សូមអនុវត្តវិធានការទប់ស្កាត់ការឆ្លងរាលដាលមូលដ្ឋានឱ្យបានហ្មត់ចត់រួមទាំងការចៀសវាង «3 "ជ"» និងជាពិសេសចៀសវាងការជួបជុំបរិភោគអាហារដែលមានមនុស្សច្រើន។ ម្យ៉ាងទៀត ប្រសិនបើអ្នកមានរោគសញ្ញាដូចជាក្តៅខ្លួន សូមមេត្តាកុំទៅស្រុកកំណើត ឬធ្វើដំណើរកម្សាន្តឱ្យសោះ។
- សូមចៀសវាងការធ្វើដំណើរដែលមិនចាំបាច់ និងមិនបន្ទាន់ទៅកាន់តំបន់ដែលមានការឆ្លងរាលដាលខ្លាំងតាមដែលអាចធ្វើទៅបាន។
- សូមប្រើប្រាស់កន្លែងនានា ដែលអនុលោមតាមគោលការណ៍ណែនាំតាមវិស័យ។
- នៅកន្លែងធ្វើការ សូមចាត់វិធានការឱ្យបានហ្មត់ចត់ ដើម្បីបង្ការការឆ្លង (ដូចជាការលាងដៃ និងសម្លាប់មេរោគលើដៃ សុជីវធម៌ពេលក្អក ការរក្សាគម្លាតរវាងបុគ្គលិក ការធ្វើឱ្យមានខ្យល់ចេញចូលជាប្រចាំនៅកន្លែងធ្វើការ ការសម្លាប់មេរោគកន្លែងដែលមានមនុស្សច្រើនប៉ះពាល់ ការមិនឱ្យបុគ្គលិកដែលមានរោគសញ្ញាដូចជាក្តៅខ្លួនមកធ្វើការ ការប្រើប្រាស់សន្និសីទវីដេអូពីចម្ងាយ ដើម្បីកាត់បន្ថយការធ្វើដំណើររបស់បុគ្គលិកក្នុងការបំពេញបេសកកម្ម ការបែងចែកពេលវេលាឈប់សម្រាកថ្ងៃត្រង់ខុសគ្នា វិធានការនៅក្នុងកន្លែងរស់នៅជាក្រុមដូចជាអន្តេវាសិកដ្ឋានបុគ្គលិក។ល។) និងចៀសវាង «3 "ជ"» និង «"ស្ថានភាពចំនួន 5" ដែលបង្កើនហានិភ័យនៃការឆ្លង» ដោយប្រើឧទាហរណ៍ជាក់ស្តែង។ ជាពិសេសសូមយកចិត្តទុកដាក់ចំពោះ «ការផ្លាស់ប្ដូរកន្លែង» នៅកន្លែងធ្វើការ (បន្ទប់សម្រាក បន្ទប់ផ្លាស់សម្លៀកបំពាក់ បន្ទប់ជក់បារី។ល។) និងដំឡើងឧបករណ៍វាស់កំហាប់កាបូនឌីអុកស៊ីត ដើម្បីពិនិត្យមើលស្ថានភាពខ្យល់ចេញចូល។ លើសពីនេះទៀតសូមអនុវត្តគោលការណ៍ណែនាំតាមវិស័យនៅកន្លែងធ្វើការ និងហាង។
ផ្ទាំងរូបភាពសម្រាប់ចាត់វិធានការចំពោះវីរុសកូរ៉ូណាប្រភេទថ្មី
*សូមទាញយកផ្ទាំងរូបភាពនេះដេីម្បីព្រីនឬបោះពុម្ព មិនថាសម្រាប់គោលបំណងអ្វីក៏ដោយ ដូចជាតាំងផ្ទាំងនោះសម្រាប់ផ្សព្វផ្សាយនៅឯក្រុមហ៊ុន សាលារៀន ឬទីប្រជុំជនជាដើម។
(សូមកុំកែច្នៃឬកែប្រែរូបភាព)
ប្រការចំនួនបីដែលគួរជៀសវាង៖ទី១-ការនៅក្នុងកន្លែងបិទជិតដែលមិនមានខ្យល់ចេញចូល ទី២-ការទៅកន្លែងដែលមានមនុស្សកុះករច្រើន និងទី៣-ការប៉ះពាល់ជិតស្និតជាមួយអ្នកដទៃ!
PDF >
សូមមេត្តាសហការអនុវត្តវិធានការបង្ការជំងឺឆ្លង
PDF >
សូមមេត្តាសហការអនុវត្តវិធានការបង្ការជំងឺឆ្លង
PDF >
ជំងឺដែលបង្កដោយវីរុសកូរ៉ូណាប្រភេទថ្មី(កូវីដ១៩)ឆ្លងរាលដាលតាមរយៈ វិធីដូចខាងក្រោម
PDF >
ចំណុចត្រូវប្រុងប្រយ័ត្នក្នុងការទប់ស្កាត់ការចម្លងវីរុស
PDF >
សូមចូលរួមការពារការឆ្លងរីករាលដាល
PDF >
សូមធ្វើឲ្យបាន 0 "ជ"!
PDF >
